Umrhanelwa wophango ubulewe kwaze konzakala ipolisa kudubulwano ngaphandle kwethaveni eZwide ngeCawe
Isithethi samapolisa, uColonel Priscilla Naidu, uthi amalungu yesipolisa ebesendleleni eya kusabela kwizikhalazo ngethuba bemiswa ngabahlali kwisitalato iKubo, eZwide. Baxelelwe ngokuphangwa okuqhubeka kwithaveni yale ndawo.
Uthe xa amapolisa efika kwindawo yexhwayelo, abarhanelwa bavulele ngembumbulu ngelixa bezama ukungena kwisithuthi esiqweqwedisiweyo.
“Amalungu abakwantsasana aphindise ngokudubula abarhanelwa ngexesha babaleka. Omnye umrhanelwa, omalunga namashumi amabini anesihlanu eminyaka ubudala ubhubhe ngamanxeba okudutyulwa kwindawo yexhwayelo,” utshilo uNaidu.
Ipolisa elineminyaka engamashumi amathathu ananye ubudala linenxeba lokudutyulwa emlenzeni naseminweni laza lasiwa esibhedlele kwaye likwimeko ezinzileyo.
Amapolisa afumene umpu we-9mm kwindawo yexhwayelo, neselfowuni kunye notywala obubiwe.
UNaidu uthi amatyala okuphanga amashishini, ukuxhwilwa kwezithuthi, kunye nokuzama ukubulala avulwe lo gama kuvulwe idokethi lophando malunga nokubhubha komrhanelwa.