Ummi waseZimbabwe uswelekile kulandela ingozi eyenzeke kwindlela iTarget Kloof eWalmer eGqeberha.
Isithethi samapolisa uKapteni Sandra Janse van Rensburg uthi le ngozi yenzeke kanye phambi kwentsimbi yeshumi kusasa ngoLwesihlanu.
Uthi ixhoba elineminyaka engama-41 ubudala, beliqhuba iHyundai Getz lalijika e-6th Avenue lingena eRiver Road ngase-Albany Road ngethuba lingqubana neToyota Etios nayo eyayihamba kwicala elinye.
Kutyholwa ukuba enye yezo nqwelo-mafutha ayizange ime kwisibane esibomvu nto leyo ebangele ukungqubana.
Lendoda, kusafuneka ixelelwe usapho ngokubhubha kwayo, kwaye ibhubhele kwindawo yexhwayelo.
Akukho mntu wumbi wonzakeleyo ochaziweyo.
Ityala lokubulala ngokungenhloso liyaphandwa.