Amapolisa aseMpuma Koloni abambe abarhanelwa ababini emveni kokuhlaselwa komfama onamashumi amathandathu anethoba (69) ubudala, eBarkly East.
Isithethi samapolisa uPriscilla Naidu uthe kutyholwa ukuba ixhoba beliphandle liyokulayta iGenerator ekumgama weemitha ezilishumi nantlanu endlini ngexesha ehlaselwa ehlatywa entanyeni ngumntu angamaziyo.
Ixhoba liye lakwazi ukuzisindisa ngokubalekela endlini ze unyana walo wambalekisela esibhedlele.
Oka Naidu uthi abarhanelwa bazakuthi bavele undkundleni kamantyi namhlanje ngezityholo zokuzama ukubulala, ukuba nezixhobo ezinobungozi kunye nemipu engekhomthethweni.
UNaidu wongeze wathi amapolisa aseBarkly East bebesendleleni ebheka eAliwal North ngexa bebona amadoda amabini ayefana nenkcazelo yabarhanelwa.
“La madoda athe okubona amapolisa abaleka kodwa abanjwa. Abacuphi bakwaphanda unxulumano kumanye amatyala okuqhekeza izindlu kwakule ngingqi.”