Umbutho iDemocratic Alliance eNelson Mandela Bay ungqinile ukuba isiphakamiso sokungathenjwa kukasodolophu wakumasipala ombaxa, uGary van Niekerk, asikho setafileni okwangoku.
Inkokeli yeDA kulo mmandla, nowayesakuba ngusodolophu, uRetief Odendaal, uthe lo mbutho uzakufuna uthethathethwano nawo onke amaqela ezopolitiko kulo masipala. Oku, ukuthethe ngexesha lengxoxo noonondaba kwiintsuku ezimbalwa ezidlulileyo, ukufumana indawo kuvunyelwana ngayo kwimiba efana nokunqongophala kokunikezelwa kweenkonzo – kodwa okona kubaluleke kakhulu, u-Odendaal uthe, ukubeka abahlali kuqala.
U-Odendaal uthe okoko iDA kunye namahlakani ayo basuswayo kurhulumente wasekhaya ngomhla wama-26 kuCanzibe, imingxuma eshiyekileyo inyuke yaya kutsho ku-15,000 kwaye izibane eziqhekekileyo zasezitalatweni zinyuke zaya kutsho ngaphezulu kwe-10,000. Namhlanje Odendaal uthe Kungoko iDA iza kuqala ngokuthethathethana ngezopolitiko nawo onke amaqela amelweyo kwibhunga, ngokuthi iqale ibhale kwaye inxibelelane nala maqela ezopolitiko ukuze kufunyanwe into isivumelwano ngemiba echaphazela ukwenziwa kweenkonzo nozinzo kwisixeko.
Esithi ukuba akusebenzi oku, iDA izakuqhuba ngenkuthalo ukushenxisa lo rhulumente ukhoyo ngeenjongo zokumsusa ngomnye. Ephendula kwizityholo zika-Odendaal, uVan Niekerk uzichaze zonke “njengobuxoki”. ukuba ngomhla wamashumi amabini anesibhozo kweyeThupha ngo2023 waye wathumela uxwebhu kwinkokeli yeDA uJohn Steenhuisen olunomxholo othi, “Inyaniso”, nalapho wayethetha ngezinye zeengxabano no-Odendaal kwakunye neengxwabangxwaba malunga nokuchongwa ngokungekho sikweni kuka-Anele Qaba njengengqonyela yeMandela Bay Development Agency. Ekwathi kwiinyanga ezimbalwa phambi kokuba kuqeshwe kwiMBDA, uQaba ufumene iR3-million yegolide kumasipala ukuze ashiye isikhundla sakhe njengomlawuli olawulayo phakathi kwezityholo zokungaziphathi kakuhle.
Ngenxa yoko, phakathi kweminye imiba, uNondyebo kazwelonke ubambe imali engaphaya kwesiqingatha sebhiliyoni yeerandi kulo masipala de zibe zisonjululwe izityholo zokuqeshwa ngokungafanelekanga kukaQaba. Kuxwebhu lwakhe “Inyaniso” eya kuSteenhuisen, uVan Niekerk ngokuyinxenye uthi “Emva kokuchongwa kukaMnu Qaba umasipala ombaxa wafumana ileta evela kunondyebo wesizwe [phakathi] kuJuni ebuza ngobunyani bokuchongwa kwengqonyelwa ye-MBDA. Esithi Oku kukodwa kuchasene nomthetho njengoko uNondyebo kazwelonke. uSteenhuisen akakaphenduli akakaphenduli kule nyewe.