Amagosa amabini ebutho looKhetshe eMthatha avele kwinkundla kamantyi yalangingqi namhlanje kulandela ukubanjwa kwawo ngezityholo zorhwaphilizo.
Isithethi sooKhetshe eMpuma Koloni uColonel Katlego Mogale uthi uSajini kunye noKapteni abaneminyaka engama-41 ujuya kumane anesithathu(43) babanjwe izolo. Uthi uKapteni, othi usebenzela eGauteng, kutyholwa ukuba wafowunela ummangali ngomhla wamashumi amathathu ananye kweyeKhala, emazisa ukuba iSebe lezaBasebenzi livule ityala kwinkampani yakhe. UMogale uthi emva kweentsuku ezine waphinda wafowuna efuna imali engamakhulu amane amawaka eerandi (R400 000) ukuze linyamalale idokethi. Uthi xa ummangali ebaxelela ukuba akanayo imali waphinda watsalelwa umnxeba ngosuku olulandelayo nalapho wayalelwa ukuba eze ne-R50 000 kwindawo ebabeza kudibana kuyo eMthatha.
UColonel Mogale uthi kungelo xesha awathi ummangali wabika ngalo mba kooKhetshe, nabathi baseka iphulo elifihlakeleyo lokubamba oogxa babo. Uthi utshintshiselwano lenzeke kwindawo yendibano kwaye amagosa abanjwa emva kwexesha. Isixa-mali engange-R10 000 safunyanwa kubo. INtloko yePhondo uNjengele Mboiki Obed Ngwenya uvakalise ukwaneliseka kwakhe ngempendulo ekhawulezileyo yeliphulo lidityanisiweyo.
Uthe ezintlobo zolwaphulo-mthetho zizisa igama leeHawks ehlazweni kwaye waphinda waphinda isimo sabo sokuqhubeka nokusebenza ngaphandle koloyiko, ukuthandana okanye ukucalula.