Banqunyanyisiwe abafundi abalishumi elinesibini (12) besikolo samabanga aphakamileyo iPretoria High School for Girls ngezityholo zobuhlanga.
Banqunyanyisiwe abafundi abalishumi elinesibini (12) besikolo samabanga aphakamileyo iPretoria High School for Girls ngezityholo zobuhlanga. Oku kunqunyanyiswa kuza emva koqhankqalazo lwabafundi olucwangciselwe uLwesihlanu weveki ephelileyo.
Izityholo ekutyholwa ngokuba zizizathu zobuhlanga ngabafundi abantsundu ezivakaliswe ku-WhatsApp eziquka abafundi abamhlophe ziye aphembelela olu qhankqalazo.
Isithethi sesebe lezemfundo eRhawutini, uSteve Mabona, uthi bekubanjwe indibano engxamisekileyo ngoLwesihlanu odlulileyo nabafundi abaceba ukuqhankqalaza.
“IBhunga loLawulo leSikolo (SGB) ligqibe ekubeni libanqumamise bonke abafundi abachaphazelekayo, kwaye iingxoxo zabo zoluleko zicwangciselwe ukuba ziqhubeke nge-30 nange-31 kweyeKhala 2024. ISithili sele silusungule olwaso uphando.”
Wongeza ngelithi, “Kubalulekile ukuba imeko-bume yesikolo ingalityesheli ilungelo lokufumana imfundo. Asinakuvumela nakuphi na ukuziphatha kakubi okanye iiyantlukwano zobuhlanga ukuba zenzeke kuso nasiphi na isikolo sethu.”