Owabanjelwa ukudlwengulwa kunye nokubulala uThabo Bester, othethe ngommeli wakhe uAdv Lerato Moela, uxelele inkundla ukuba uza nesicelo malunga nezithintelo ezingenabulungisa eKgosi Mampura Correctional Service.
Abatyholwa abalithoba (9) abaquka uBester bavele kwiNkundla ePhakamileyo yaseFreyistata ngale ntsasa.
La magqwetha akhalaze ngelithi kunzima ukuthethana nomxhasi wawo kwaye uphathwa ngokungathi sele enetyala.
UMoela oxoxa ngelithi ityala liya kuchaphazeleka okanye lilibaziseke ukuba uBester akazinzanga ngokwasengqondweni.
Uthi impatho kaBester entolongweni iyamchaphazela ngokwasengqondweni.
Lo mba uhlehliselwe iveki ezayo ngoLwesithathu ukuze kunikwe nabanye abatyholwa ababini ithuba lokufaka isicelo soncedo lwasemthethweni.
Usapho lukaKatlego Bereng nomzimba wakhe otshileyo owafunyanwa kwisisele sikaBester kwintolongo yaseMangaung Correctional Centre eBloemfontein, luthi eli tyala liyatyhafisa emoyeni.
Umzimba ka-Bereng wawusetyenziswe njengenkohliso kwiyelenqe lika-Bester lokubaleka.
Usapho luzimase iinkqubo zenkundla ngethemba lokuba lowo ubulele unyana wabo uya kugwetywa.
“Isikhumbuza rhoqo xa sifika apha ukuba simngcwabile uKatlego kwaye kukho umntu okwenzileyo oko. Ukujonga umama kaKatlego, uMonica ephuma-phuma esibhedlele kuyadina ngokwenene,” utshilo uMakazi kaKatlego, uPoppie.