By Anita Qubula.
ISebe lezothutho eMpuma Koloni lichaze ukubhubha kwabantu ababini kwingozi emanyumnyezi kule mpelaveki.
ISithethi seli Sebe, u-Unathi Binqose, uthi le ngozi yenzeke ngoMgqibelo kuhola wendlela uN2 ngaphandle kwaseMthatha.
Uthe abaqhubi bemoto encinci iToyota Quantum kunye neSedan basweleke bobabini. UBinqose uthi mnye umntu obekwiMini-bus oye wonzakala kule ngozi kwaye usiwe esibhedlele ukuze afumane unyango.
UBinqose uthi kuvulwe idokethi lokubulala ngoku ngenanjongo ukuze kuqhutyekwe nophando.
Amagama abo babhubhileyo awakachazwa.