Abemi abangamashumi alithoba anesihlanu baseLibya abatyholwa ngokwaphula uMthetho wokuNgenelela kwabantu eMzantsi Afrika kulindeleke ukuba babuyele kwiNkundla kaMantyi eWhite River eMpumalanga namhlanje.
Aba batyholwa batyholwa ngokuxoka ngethuba befaka izicelo zokundwendwela, besithi baza eMzantsi Afrika ukuze bafumane uqeqesho lokhuseleko. Bafunyenwe besenza uqeqesho lomkhosi kwifama engaphandle kweWhite River ngaseMasoyi kwiveki ephelileyo.
Amashumi alithoba nanye kubatyholwa bagcinwe kwiziko loluleko, ngelixa abane abashiyekileyo beselugcinweni lwamapolisa.
ISithethi seNPA eMpumalanga uMonica Nyuswa uthi, “Abatyholwa kulo mcimbi bajongene netyala lokungachanekanga kwisicelo zabo zokundwendwela. Khumbula, xa beshiya ilizwe labo eLibya, beza apha bezokufunda eMzantsi Afrika. Nangona kunjalo, apho bafunyenwe khona-babesenza uqeqesho lokuba ngamajoni. “
UNyuswa wongeze ngelithi, “Inkundla ibone ukuba abatyholwa akufuneki bakhululwe kuba bengenazo iidilesi ezimiselweyo kwaye indawo abanokuthi bagcinwe kuyo kukuvalelwa. Urhulumente uza kuyichasa ibheyile.”