By Esona Magawana
Lusentlungwini sapho lease Mqanduli emva kokubhubha kwamakhwenkwe amabini aneminyaka elishumi elinantathu(13), abhukuqwe ngamanzi esiya kupholisa umzimba ngenxa yobushushu obuphezulu basehlotyeni.
U-Obakhe Eighty (13) kwakunye no Babalwa Sithelo (13) baseTaleni eZibodla,baphume besiya eMlanjeni kodwa abazange babesabuya,kufunyenwe kuphela iimpahla zabo elunxwemeni.
U-Obakhe ungcwatywe ngomhla we-30 KweyeNkanga 2025,kanti uBabalwa uzakungcwatywa ngomhla we-6 KweyoMnga 2025.
Inkokeli yaseWard 23, uCllr. L Vuma, ithe le ntlekele iyothusa kwaye ibongoza abazali nabantwana ukuba bahlale bekhuselekile emilanjeni, ngakumbi ngexesha lasehlotyeni.
Kukho nesibongozo esijoliswe kubalandeli beqela lebhola ekhatywayo iKaiser Chiefs Mqanduli Branch,nakwabo baqhuba iitaxi,ukuba bancede bafake isandla kusapho lukaSithelo ngezithuthi zosuku lomngcwabo.
Uluntu luthi esi siganeko masibe sisikhumbuzo sokuba abantwana mabangaze baye emanzini bengakhatshwa okanye bengagadwanga ngumntu onolwazi lokuhlangula.