Ihambe nemiphefumlo emihlanu ingozi yenqwelo mafutha eyenzeke eLibode kwiPhondo le Mpuma Koloni.
ISithethi seSebe lezeNdlela kweliPhondo uUnathi Binqose uthi itaxi eluhlobo lweQuantum ibisuka eMthatha isingise eMajola iye yabhukuqa kwindlela yegravel ngethuba idlula kwilali iMgwenyane eLibode.
Lo kaBinqose uthi kuvakala ukuba umqhubi uye waphulukana nolawulo lwale moto.
Abantu abalishumi elinesibini (12) baye bonzakala. Ukanti kwabaswelekileyo kukho uTata noMama nekucingwa ukuba batshatile, abantwana ababini, oyena mncinci unenyanga ezimbini kunye nomakhulu oqikelelwa kwiminyaka engamashumo asixhenxe (70s). Umakhulu yena uswelekele xa efika esibhedlele iBarnabas eNtlaza.
Abathathu kwabasindileyo bafumene umonzakalo omkhulu logama abalithoba (9) nabaquka umqhubi bephume nje benemikrwelo.