Ibekwe kwikhaya layo lokugqibela namhlanje intwazana eneminyaka emibini (2) ubudala owantunuekwa ngomlilo ngunina eNgqushwa kwindawo yase Crossroad.
Iingxelo zidiza ukuba uOyena Dingela wagalelwa ngeparafini nina oneminyaka engamashumi amane anaye (41) ubudala waze emva koko waqhwitha wamtshisa emtyhola ngelithi ligqwirha.
Ukanti umama womntwana useluvalelweni lamapolisa sithethanje. Kwiveki ephelileyo unina womtwana uthe tshe nje kancinci kwinkundla kamantyi yase Ngqushwa, ukanti kulindeleke ukuba abuyele kwakhona enkundleni ngoLwesithathu umhla weshumi elinesixhenxe (17) kulenyanga yeKhala ukuze afake isicelo sebheyile.
Kusenjalo ngoLwesithathu weveki ephelileyo ophuma kwiKhula Development uPretros Majola ndawonye neenkokheli zemveli, iinkokheli zakwalizwi kunye noluntu ngokubanzi bandwendwele usapho ukuyonika intuthuzelo yasemphefumlweni.
Kusenjalo isigqeba somaspala wasengqushwa sisikhalimele ngeentliziyo ezidandathekileyo esisehlo, sikwahlaba ikhwelo kuwo onke amanina aphamtsi koxinzelelo lasemphefumlweni ukuba eze ngaphambili ukuze afumana uncedo awalidingayo