By Asemahle Mbete.
UMphathiswa kwiOfisi kaMongameli, uKhumbudzo Ntshavheni, uthi uMongameli unelungelo njengentloko yombuso ukutyumba okanye ukukhupha abaphathiswa kunye namasekela-baphathiswa.
UNtshavheni ungqinile ngethuba ethetha nasemva kwekhabhinethi izolo ukuba uMongameli Cyril Ramaphosa umsusile esikhundleni sakhe uSekela Mphathiswa wezoRhwebo, uShishino noKhuphiswano uAndrew Whitfield.
Uthi, “UMongameli usebenzise amagunya ngeendlela ezimbini, kukho igunya alisebenzise ngokuhlangeneyo nePalamente yakhe kwaye kukho igunya alisebenzisayo yedwa njengoMongameli.”
“Isigqibo sokutyumba okanye ukushenxiswa okanye ukuhlenga-hlengiswa kwabaphathiswa namasekela baphathiswa, lilungelo likaMongameli kuphela elo, uyakwenza oko ngaphandle kokubonisana nomnye umntu, kodwa sisigqibo sakhe sodwa,” wongeze watsho uNtshavheni.