Liphila ubomi bentshontsho inina laseLimpopo kulandela ukungabanjwa kweqabane lalo.
Nangona ilizwe libhiyozela inyanga yenkululeko, inina laLimpopo lithi liphila ngokungcungcutheka emva kwesiganeko esimshiye onzakele, umntwana wakhe eswelekile nendlu, kwiintsuku ezimbalwa ezidlulileyo.
UTshisanne Siobo waseMuruwa eNzhelele cebukuhle eThohoyandou ukholelwa ukuba sisinqanda mathe sakhe esitshise indlu yakhe, egumbi-linye ngethuba yena nentsana zakhe ezimbini bengaphakathi.
Omnye wabantwana uswelekele esibhedlele enamanxeba okutsha ukanti yena umama wabantwana usachacha.
Lo kaSiobo oneminyaka engamashumi amathathu anesixhenxe, uthi ulivulile ityala emapoliseni kodwa umsolwa akakabanjwa, yaye ubathembisa ngokubabulala nomntwana osindileyo.
Isithethi samapolisa kula mmandla uMamphaswa Seabi uthi umrhanelwa usaduke nezwe kodwa bengamapolisa bathembisa ukuza naye ngaphambili kungentsuku zatywala.
Ingxelo:Mncedi Mbombo