Ebiqale iyiNgozi yeSigadla kuhola wendlela u-N2 ijike yaba kukubanjwa kwemfumba yecuba elingekho mthethweni ebelisele likufuphi ukungena eQonce ukuzokongeza kurhwebo olungekho mthethweni lwe-Cigarette eMpuma Koloni.
Isigadla esingu-10 ton ebesisuka e-Durban sisiya eQonce siye saphuma endleleni saza sawela emithini ekumganyana kude-kufuphi nendlela kwi-Kei Cuttings. Kodwa eyothusa ngakumbi ivele xa amapolisa evula iBhokisi ebezingaphakathi kuleLori, apho kuthe kwafunyanwa inkitha yecuba elingekho semthethweni ekuquka eziluhlobo lwe-Caesar Gold ne777, zigcwalise umgangatho wonke osemva kwisigadla.
Amaxwebhu omqhubi ochazwe njengo ngumi waseBurundi edibene nawomthwalo ebecelwe ukuba awathi thaca,aye othusa ngakumbi njengoko athe awangqamana ncam, nto leyo eyenze kwangoko kucelwe ungenelelo lwamagosa akwa-SARS Customs ukuzokuqhuba uvavanyo olunzulu lwalomthwalo kwakunye noqikelelo lwamaxabiso.
Ekuqhubeni kwabo uphando bebambisene ne-Hawks, SAPS uphando lwabo lufumanise ixabiso noqikelelo olungaphaya kwezigidi eZine zeRandi. Ze emva Koko wadluliselwa elugcinweni kwa-customs umthwalo ukuze abasemagunyeni baqhube nophando olupheleleyo.
Le ngxelo ibonisa kwakhona ukuba urhwebo olufihlakeleyo nolungagunyaziswanga lweempahla ezingekho mthethweni luyakhula, lusebenzisa iindlela zeli ukuhambisa iimpahla zomgunyathi.
- Ngokomthetho, urhwebo gwenxa aluvumelekanga eMzantsi Afrika kwaye olu hlobo lokurhweba luphembelela ulwaphulo-mthetho kwaye luyayidodobalisa nengeniso yerhafu.