Amapolisa aseGqeberha aqalise ukuzingela abantu abaxhobe ngompu ababulale amaxhoba amane (4) Kwazakhele ngobusuku bangoMvulo umhla wesibini (2) kweyoKwindla.
UBrigadier Nobuntu Gantana uthe amapolisa aKwazakhele aphendule kwesi siganeko malunga nomkhoni emva kwentsimbi yethobaba (9:15) ngorhatya. Ekufikeni kwawo, amapolisa ahlangatyezwa ngabasebenzi bokhuseleko babucala ababakhokelela kwigumbi elingaphandle ngasemva kwendawo eseTonjeni Street, apho kufunyanwe khona izidumbu.
Amaxhoba aquka amadoda amathathu, aneminyaka ephakathi kweshumi elinesibhozo (18) ukuya kumashumi amabini anesibini (22) ubudala, kunye nowasetyhini oneminyaka engamashumi amabini anesine (24) ubudala. Bonke babenamanxeba amaninzi okudutyulwa.
Isizathu sohlaselo asaziwa okwangoku, kwaye akukho mntu ubanjiweyo. ICandelo loLwaphulo-mthetho lithathe uxanduva lophando.
Nabani na onolwazi olunokunceda ekuchongeni abarhanelwa okanye ekufumaneni isizathu sokubanjwa kwabarhanelwa uyacelwa ukuba aqhagamshelane noLieutenant-Colonel Mondi Sitole ku-082 457 2812, amapolisa aseKwazakhele, okanye uCrime Stop ku-08600 10111.