Owasetyhini obekhulelwe kunye nomntwana wakhe ongekazalwa bebephakathi kwabantu abane(4) ababhubhe kwingozi emanyumnyezi eyenzeke eKariega ngentsasa yangoLwesine.
Isithethi samapolisa, uKapteni Sandra Janse Van Rensburg, uthi kusaphandwa iimeko ezibangele ukungqubana kwemoto yenkampani iAtlas Security nemoto yabahambi. Ukwathe, umqhubi wemoto nabantwana ababini abaneminyaka elishumi elinanye nemithandathu ubudala abakhange bonzakale.
UJanse Van Rensburg wandule esithi inkosikazi yomqhubi, umhlobo kunye nenkosikazi ekhulelweyo basweleke ngenxa yale ngozi.
Ityala lokubulala ngokungenanjongo  liyaphandwa. Amagama ababhubhileyo akakachazwa. Kwingxelo emfutshane, i-Atlas Security iqinisekisile ukuba elinye lamagosa aphendulayo libandakanyeke kwingozi.