Isebe lezothutho eMpuma Koloni lithi bakwikhulu elinamashumi amabini bebonke abaqhubi bemoto abathe babanjwe berhanelwa ukuqhuba benxilile kwiphulo eliqhuba kwiphondo kwimpelaveki ezimbini ezidlulileyo.
Isithethi sesebe lezothutho ephondweni u-Unathi Binqose uthi amashumi amahlanu ananye kwabo babanjwe kule mpelaveki yodwa, kwaye iSithili saseSarah Baartman kunye ne-Amathole zonke zifikelele kumanani aphindwe kabini kumanani ababanjiweyo.
Umphathiswa wesebe lezothutho, uXolile Nqatha, uwancomile la mapolisa ngokubanjwa kwabo baqhuba bezintyintye ngebhelu lomsele, esithi iinzame zawo zingasindisa inkitha yabantu abamsulwa kwiingozi ezinokubakho – kuquka nobomi babo babanjiweyo.
Ulumkise abaqhubi beemoto ngelithi ezi nkqubo zizakuqina nanjengoko iHolide zohlobo zisondele.