17.3 C
King William's Town
Tuesday, March 5, 2024

URamaphosa umemelela ukulingana ngokwesini, uyabugxeka ubundlobongela obujoliswe kwabasetyhini nabantwana

Umongameli we-African National Congress (ANC) uCyril Ramaphosa ubongoze amadoda namakhwenkwe ukuba aphathe abasetyhini ngokulinganayo, egxininisa ukubaluleka kwentlonipho nomanyano kwidabi lokulwa ubundlobongela obujoliswe kumanina nabantwana.

Lo msitho ibiluhambo lokuphawula ukuqaliswa kwephulo leeNtsuku ezili-16 zokuLwa ubuNdlobongela obuChasene namanina nabantwana.

Ethetha kwindibano yamakhulu amakhwenkwe kunye nabafana abathe bahamba naye kunxweme lwaseThekwini, uRamaphosa ugxininise imfuneko yeenzame ezihlangeneyo ukulwa impatho-gadalala nobundlobongela.

Eli phulo, elijongwe kwihlabathi jikelele, lijonge ukwazisa nokuhlaba ikhwelo lokuphelisa ubundlobongela obusekelwe kwisini.

“Njengoko sihlanganisene apha, sikhuthaza ukuhlonitshwa kwamakhwenkwe nangamadoda ngokubanzi kubantu babasetyhini. Sithi njengamadoda namakhwenkwe kumanina aseMzantsi Afrika siyathembisa ukuba siya kunihlonipha, siya kusebenza nani, kwaye siyakuniphatha ngokulinganayo. Akhonto indenza ndibengcono njengendoda kunomfazi. Phantsi ngendoda edlwengula abafazi nabantwana, phantsi,” utshilo uRamaphosa.

USekela Mongameli uPaul Mashatile kulindeleke ukuba enze intetho kumsitho wokusungulwa kwephulo kuzwelonke eMpumalanga kamva namhlanje, egxininisa ukuzinikela kwe-ANC ekupheliseni ubundlobongela obujoliswe kwabasetyhini nabantwana.

Ezibufana Indaba

Newsletter Subscription

- Advertisement -

Stay Connected

129,556FansLike
1,513FollowersFollow
66FollowersFollow
0SubscribersSubscribe
King William's Town
broken clouds
17.3 ° C
17.3 °
17.3 °
89 %
2.5kmh
63 %
Tue
28 °
Wed
27 °
Thu
32 °
Fri
30 °
Sat
27 °

EZITHANDWAYO INDABA

Enable Notifications OK No thanks