Kulusizi kakhulu ukuvakalisa iindaba zokusweleka kweNkosana uMangosuthu Buthelezi, iNkosana yaKwaPhindangene, iNkulumbuso yeMveli kuKumkani neSizwe sikaZulu, kwanoMseki noMongameli weqela lezopolitiko iNkatha Freedom Party.
INkosana uMangosuthu Buthelezi ube yinkokeli egqwesileyo kubomi bezopolitiko nenkcubeko yesizwe soMzantsi Afrika kuquka nokuzibandakanya kwakhe neqela kumzabalazo wenkululeko yeli.
INkosana uButhelezi, obenguMphathiswa weMicimbi yezeKhaya wokuqala wedemokhrasi eMzantsi Afrika, ukanti usweleke ngentseni yanamhlanje, umhla we-9 kweyoMsintsi 2023, kwiiveki nje ezimbini emva koba ebebhiyozela iminyaka engamashumi alithoba anesihlanu(95) ezelwe.
UMongameli weli uCyril Ramaposa ukhuphe amazwi ovelwano kusapho nezalamane kwaye echaza ukuba iingcombolo ezipheleleyo ngokungcwatywa kweNkosana zizakulandela kungekudala.
Lala ngoxolo tata. Ugqatso lwakho ulufezile.