Kwiminyaka engamashumi amabini (21) kuphela, uBubele Bam uqhekeza imiqobo kwihlabathi lokhuphiswano loonobuhle. Ukuphumelela iwonga likaMr Amahlathi kube yimbalasane eqaqambise ukuzithemba, ubukrelekrele nokuzinikela kwakhe. Ecinga ngohambo lwakhe, uBam waphawula ukuba impumelelo yakhe ibingekho ngobuhle bangaphandle kuphela kodwa nokukwazi ukunxibelelana ngokufanelekileyo nokuzibonakalisa ngokuzithemba.
Ubuchule bakhe bokunxibelelana kunye nothando lwakhe ekuphenduleni imibuzo kumenze wagqama.
Uhambo lukaBam uthi luxhaswe ngumama wakhe, utitshala, kunye netoliki eyaqinisekisa ukuba ufumana ulwazi ngoLwimi lweZandla loMzantsi Afrika. Ekhuthazwa yinkuthazo yabo, uBam uzimisele ukukhuthaza abanye abakhubazekileyo ukuba baphumeze amaphupha abo kwaye babone ngaphaya kwemida yoluntu.
NjengoMr Amahlathi 2024, unethemba lokusebenzisa iqonga lakhe ngokushukuxa imiba yasekuhlaleni, ingakumbi kulutsha, elufana nokusetyenziswa kweziyobisi. Umbono wakhe uquka ukwenza intsebenziswano kunye namashishini kunye neenkokheli ukudala utshintsho oluhle kwindawo yakhe.
KuMbasa Mazeka, ukuthweswa isithsaba sokuba nguMiss Amahlathi 2024 kwaba yimvakalelo enzulu. Ekhokelwa ngumcebisi wakhe, uAzola Antoni (Miss Stutterheim 2021), uMazeka wakhula ezithembile waza wabonakalisa uthando lokuthethathethana noluntu. Ebudeni bohambo lwakhe, wadibana nabantu abaneemvelaphi ezahlukahlukeneyo, wafunda izifundo ezibalulekileyo yaye wada woyisa ingxaki awayenayo ekuqaleni kwintetho yezandla.
Umsebenzi kaMazeka njengoMiss Amahlathi 2024 kukulwa ukusetyenziswa kweziyobisi nokunika ithemba kwabo basweleyo. Unqwenela ukuxhasa iintsapho ezingenamakhaya kunye nabantwana abangenamali, ekholelwa ukuba imfundo sisitshixo sekamva eliqaqambileyo.
Ukuzinikela kwakhe ekwenzeni umahluko kwindawo ahlala kuyo kumenze waba sisibane senkuthazo kubantu abatsha abanokuziva bengahoywanga. UMazeka ujonge ukuba lilizwi labo bangakwaziyo ukuthetha nokuzisa ithemba kwabo bajongene nobunzima.
Bebonke, uBam noMazeka bamela ixesha elitsha kukhuphiswano loonobuhle— apho ubuhle bungabhiyozelwa nje ngenkangeleko yangaphandle kuphela kodwa nangobuntu, ubukrelekrele nokuzinikela ekuphuculeni uluntu. Ukuphumelela kwabo kwabanobuhle ngokungathandabuzekiyo kuza kukhuthaza isizukulwana esitsha ukuba silandele iminqweno yayo kwaye sibuyele eluntwini.