By Anita Qubula.
Amashishini aseMthatha anikwe isoyikiso yimigulukudu sokuba ahlawule imali yokukhuselwa kubuqhutseba bemigulukudu.
Abahlali baseMthatha banenkxalabo yokuba amashishini amaninzi angavalwa kwixesha elizayo, kanti amanye amaninzi amashishini sekunyanzeleke avale kungoku nje. Abaqweqwedisi ngoku bajolise kwiindawo zonqulo. Kukwakho namabango okuba imigulukudu ekumgangatho ophezulu inxulumana nosapho lwasebukhosini.
Ukanti iKumkani yabathembu izikhabile izityholo zokuba basebenzisana nabophuli-mthetho.
Amapolisa esithili sase-OR Tambo eMpuma Koloni athi axhalabile ngamahem-hem okuba abanye babo banokuba nesandla kubuqhetseba. Bathi bazimisele ukusebenzisana ngokusondeleyo namashishini achaphazelekayo ukuze bachonge abophuli-mthetho ababandakanyekayo.