By Esona Magawana
Usihlalo we-ANC uGwede Mantashe uzikhuphele ecaleni kukhuphiswano lokulawula kwiqela, esithi “mdala kakhulu”. UMantashe oneminyaka engamashumi asixhenxe (70) ubudala ebethetha neentatheli ecaleni kwindibano yesihlanu ye-ANC yeNational General Council (NGC), ebibanjelwe eBirchwood Hotel eBoksburg.
I-NGC yenza uphononongo lwesiqingatha sexesha kwindlela eqhube ngayo i-ANC ukususela kwinkomfa yokhetho ka-2022. Nangona i-NGC ingesiyo ingqungquthela yokhetho, kwimbali iye isetyenziswe njengendawo apho amalungu anomnqweno wokukhokela ajonga khona inkxaso yawo eluntwini.
Oku kubonakale izolo xa omnye wabo kucingelwa ukuba angaba ngongena kukhetho lokuba ngumongameli, uFikile Mbalula, enike ingxelo ende yaphakathi enyakeni.
UMantashe, uthi i-NGC ayiloqonga leengxoxo zobunkokeli. “Abantu baza kufaka amagama abo, abafuna ukonyulwa, kodwa kusekutsha kakhulu ngeli xesha. Ixesha liza kufika, kwaye mandithi kuni andizukubakho, ndimdala, ndineminyaka engaphezu ko-70, ndidla umhlala-phantsi.”
Ixesha lokukhokela leenkokeli zeANC, eziquka uMongameli Cyril Ramaphosa, liyaphela ngo2027.