UMasipala ombaxa weBuffalo City (BCM) uphucula iinkonzo zabo wokucima umlilo ngokufumana iinqwelo zokucima umlilo, ejolise ekwandiseni ukusabela kwiintlekele yoluntu.
Olu longezo lutsha, olutyhilwe izolo, lubonisa ukuzibophelela kwalomasipala ekuphenduleni ngokukhawuleza iintlekele zomlilo. Kwenzelwa ukuthunyelwa ngokukhawuleza, iilori zomlilo zixhotyiswe ngezixhobo ezikhethekileyo ezenzelwe ukucima umlilo, imisebenzi yokuhlangula, kunye nokuthintela ingozi.
USodolophu weSigqeba uCeba uPrincess Faku, uwugxininisile umsebenzi weBCM wokubeka phambili intlalontle yabemi kunye nokuhlangabezana neemfuno zoluntu. Egxininisa umgaqo-siseko weenkonzo zomlilo nohlangulo, uFaku ubhengeze izicwangciso zesikhululo somlilo esitsha eNtabozuko ( Berlin) ukuqinisa izibonelelo zenkonzo.
Ngaphezulu kwekhulu namashumi amahlanu (150) amatyotyombe asemngciphekweni weengozi zomlilo, uFaku ugxininise ukubaluleka kwamanyathelo okhuseleko asebenzayo. Ngaphandle kokungabikho kweentlekele ezinkulu zomlilo kutsha nje, iBCM isahlala ithe qwa, ityala imali engaphaya kwezigidi ezintandathu (6) zeerandi kwiinjini zomlilo zamatanki amanzi. ezikumgangatho ophezulu ezingamawaka alithoba (9000).
Ukuxhotyiswa ngeepompo ezikhethekileyo ezikwazi ukuhambisa iilitha ezingamawaka amathathu (3000) ngomzuzu kunye nemibhobho yoxinzelelo oluphezulu, ezi injini zizakuphucula ukusebenza kakuhle kwesikhululo somlilo eBCM, ngokukodwa kwimimandla engenamanzi.
Ebulela ngokuzinikezela kwamagosa eBCM, uFaku unikezele ngeziqinisekiso zokuwonga ukuhlonipha igalelo labo kwiSebe leeNkonzo zoMlilo noHlangulo.
Umsitho wokutyhilwa ububanjelwe kwisikhululo somlilo iFleet Street eQuigney, eMonti, nto leyo ebonisa ukuzinikela okuqhubekayo kweBCM ekukhuseleni uluntu.