USodolophu woMasipala weNgingqi iKumkani Mhlontlo kanye nesigqeba sakhe bebe bambe intlanganiso kwilali yaseMzuzanto kuQumbu ngomhla wamashumi amathathi nanye (31) kweyeKhala 2024.
OoCeba abangamashumi amathathu anesithathu (33) bebedibene kule ntlanganiso ukubamba iingxoxo ngemisebenzi eyenziwe kulomasipala.
Usodolophuu Mbulelo Jara uchaze ukuba ukuqala ukusetyenzwa kuphazanyiswe lulwabiwo-mali kodwa waqinisekisa ukuba uye wabhalela kwisebe lezemali ezintsukwini ezilishumi elinesine ezidlulileyo.
Uthe “urhulumente kungona azakuzise iimfuno zabahlali ezingundoqo eziquka kuzo iindlela, amanzi, imfundo, kunye nemisebenzi.”
Ukanti amalungu oluntu ebevumelekile ukuthatha inxaxheba kulendibano, batsho izikhalazo nezimvo zabo. Ikumkani uBonginkosi Sintu ikhalaze kakhulu ngokungabikho kombane owamoshakala kunyaka ophelileyo kwimizi embalwa kanye nowakhe.
Logama uNomvuyiseko Mbanjwa kanye nabanye abahlali bakhale ngokunqongophala kwamanzi nendlela ezingekagqitywa ulungiswa.
Kusenjalo omnye wabahlali ucele kumasipala ukuba baziselwe amathuba omsebenzi noba yimisebenzi yezandla kunye nezindlu ze-RDP. Umasipala uveze ukuba uhlahlo lwabiwo mali lusetyenziswe ngendlela efanelekileyo ekhankanya imali efikelela kwi-R68 million esetyenzisiweyo kwi-R69 million ebebeyinikiwe.
Kanti ulutsha lwakuTsolo licele ukunikwa ithuba lokusebenzisa umhlaba ukupuhlisa indlela yokuphila, umasipala ubanikeze iminyaka elishumi ukwenza lomsebenzi.
U-EPWP yena uzokuvula amathuba omsebenzi alishumi elinesihlanu ngesivumelwano senyanga ezisixhenxe.