By Siphiwo Boqwana.
UMsitho woMboniso woSomashishini abasakhasayo ube yimpumelelo eKomani kulempelaveki siphuma kuyo ngoMgqibelo umhla wokuqala (01) kwinyanga yoKwindla kwihotele yalapho iQueens, lo msitho ubuzinyaswe nangabase burhulunenteni kumasipalati wendawo iChris Hani.
Ababukisi ngezinto abazenza ngokwabo nezithengiswayo abawuvali umlomo ngulombuniso kunjalo nje abaninzi babalule indlela abancedeke ngayo ngomnye wabaphathi benkampani ebiququzelela lomsitho mkhulu kangaka, lowo ingu Lonwabo Rani nalapho baye bamtyibela bemncoma ngegalelo lakhe kwiPhanda Mzansi nezinze kwidolophu yaseMonti kwalapha eMpuma Kapa.
Kulomnyhadala bekuboniswa kukwathengiswa izinto ezifana nempahla kanokutsho nabazenzelayo nto leyo ibonise ukuba uMzantsi Afrika ungangaxhomekeki kwamanye amazwe.
Izinto esinokuzibalula ebezikulomboniso kukwenziwa kwempahla ezizindidi ezohlukeneyo, isiselo esibandayo sejinja, iziqhamo, izinukisi zezindlu zangasese endlini ezokuvuselela iigadi, iintsimbi, imibhaco.
Kwakulomsitho sibone kukho umfana onesakhono sokuzoba hayi nje kuphela ekuzobeni nasekwenzeni izinto ngobuchule lowo, nguMfundo Jende nowaziwa njengoThudo.
Kwezinye zeenkampani ebezikhona kulomboniso ngezamakhono nokuthengisa singabalula iZodwa design, iDumalisile yeziqhamo nemifuno, iRhali ethunga iimpahla zikanokutsho ingakumbi ezo zolutsha, Ingcali Creative Craft, iRam Pam kwakunye nezinye.
Bezikhona iinkampani zabucala ezifana noVodacom, uOld Mutual, uAbsa nezinye.
Kananjalo bekukho imibutho ejongene nokuphuhlisa amashishini asakhasayo afana neNYDA, uECDC, uSeda nezinye. Singenamlibala uSilulo Technology, abaququzeleli uPhanda Mzansi nobeqhogene noPhanda Media nezinye.
U-Unathi Ramtolo oyingqonyela ye-Ram Pam Design uvakalise ukuxola ngalomsitho ukwathe ufunde okukhulu nokuzakuthi kuncede ishishini lakhe liqhubele phambili. Kwelinye icala naye uZodwa Mbengana akawuvali umlomo ngulomsitho watsho esithi ishishini lakhe iZodwa design lizakukhula kunjalo nje kubonakala mhlophe ukuba baya endaweni ngenxa yalomsitho kuba bafumene into yokuba bazakuqeqeshwa nangakumbi bafundiswe neendlela namaqhinga okulibeka endaweni, uZodwa utsho esithi naye ufumene umsebenzi wokwenza iimpahla zokunxiba yasePhanda Mzansi nezinye nto leyo ezakuthi ilixakekise elishishini nangakumbi.
Sikhe sathetha naye oyingqonyela yenkampani iRhali nayo ethunga iimpahla zalemihla uZipho Ropo novakalise ukuba uzimisele yena ukuqhubeka nelishishini nanjengoko iye yonanto ayazi ngcono nayenza ngokuzimisela nangothando.
By Siphiwo Boqwana