UDuduzile ngobusuku bayizolo ubhale kwiKhasi lakhe lika-X, ukuba uFloyd yeyona nto imbi eyakhe yavelela i-MKP.
Waqhubeka uDuduzile Zuma esebenzisa amazwi arhabaxa ngakuFloyd, esithi akamoyiki, ebonakalisa ukungamkhathaleli.
Ngentseni yanamhlanje, ngezithuba zentsimbi yesibini (02:00), i-MKP yakhupha ingxelo ethi izenzo zika-Duduzile azihambelani nomthetho we-MKP wokuziphatha. Amarhe ke okuba uDuduzile wayengakuxhasi ukubekwa kuka-Floyd njengonobhala walombutho, ayaqinisekiswa zizenzo zakhe zokuba akakholwa ncam ngu-Floyd.
Akakacaci ke unobangela wokuba uDuduzile aziphathe ngalendlela ngaku-Floyd.
UDuduzile ke ukwalindeleke ukuba axolise kuwo onke amalungu namasebe alombutho. Ukuba akakwenzi oko, umbutho uthi, ubulungu bukaZuma kwi-MKP buyakucinywa kwaye akhululwe kuyo yonke imisebenzi yakhe kwi-MKP.