UMgaqo-siseko weRiphablikhi yoMzantsi Afrika, ka-1996 unika uMongameli igunya lokulawula leRiphablikhi. UMongameli usebenzisa igunya lesigqeba kunye namanye amalungu ekhabhinethi ekuzalisekiseni izibonelelo ezahlukeneyo zoMgaqo-siseko kunye nomthetho wesizwe.
Ukwenzela ukuqinisekisa ukusebenza ngokukuko kwekhabhinethi ekuphumezeni igunya layo nangokungqinelana necandelo lamashumi alithoba anesibini – 91(2) loMgaqo-siseko, ndigqibe ekubeni ndenze olu tshintsho lulandelayo kwisigqeba sesizwe;
1. UNksz Mmamoloko Tryphosa Kubayi, onguMphathiswa wezokuHlaliswa koLuntu ubekwe njengoMphathiswa wezoBulungisa noPhuhliso loMgaqo-siseko.
2. UNksz Thembi Nkadimeng, onguMphathiswa wezoBulungisa noPhuhliso loMgaqo-siseko ubekwe njengoMphathiswa wokuHlaliswa koLuntu.
Ngaphezu koko, ngokungqinelana necandelo 93(1) (a) loMgaqo-siseko,
3. UNksz Phumzile Mgcina, ubekwe njengoSekela Mphathiswa weMithombo yeziMbiwa nePetroleum. UNksz Mgcina sele esebenza kwisigqeba sikazwelonke njengoSekela Mphathiswa wezabaSebenzi neNgqesho.
4. Nksz Judith Nemadzinga-Tshabalala wonyulwe njengoSekela Mphathiswa weNgqesho naBasebenzi. UNkosazana Nemadzinga-Tshabalala ebesebenza kwisigqeba sikazwelonke njengosekela Mphathiswa weSebe lezeziMbiwa nePetroleum.
UMongameli Ramaphosa uthi utshintsho kwisigqeba sesizwe luqala usebenza ngoko nangoko kwaye uwanqwenela umsebenzi omhle la malungu.
“Ndingathanda ukunqwenelela okuhle kodwa la malungu esigqeba sikazwelonke kwizikhundla zawo ezitsha.”