ISebe loPhuhliso lwamaShishini amaNcinci (i-DSBD) kunye nee-arhente zalo, i-Arhente yoPhuhliso lwamaShishini amaNcinci (i-Seda) kunye ne-Arhente yezeMali yamaShishini amaNcinci (i-sefa) bebe kuqhuba i-SMME Roadshow eSajonisi kwimpelavek kweli leMpuma Koloni.
Uphuhliso kunye nenkxaso yee-SMMEs zibalulekile ekuvuseleleni uqoqosho nokudala imisebenzi. Ii-SMMEs ngabona baphambili ekudalweni kwemisebenzi, ngoko ke, ukuvula amakhonkco exabiso ukuze kuxhamle amashishini amancinci kusahleli kubalulekile ekubuyiseni uqoqosho oluphulukene nemisebenzi engaphezulu kwesigidi ngenxa yobhubhane weCovid-19.
UMphathiswa woPhuhliso lwamaShishini amaNcinci, uNksz Stella Ndabeni-Abrahams ebekhokhele imiboniso yasendleleni kwilizwe liphela enomxholo othi: “ukuvula amathuba kwii-SMMEs namaKopolotyeni okukhula koqoqosho nokudalwa kwemisebenzi.
“Injongo yomboniso wendlela kukubonisa umsebenzi we-DSBD, ii-arhente zayo kunye namanye amasebe karhulumente anobuchule abandakanyekayo kuphuhliso lwee-SMMEs, ukubeka esweni inkxaso kunye nefuthe kwii-SMMEs ngongenelelo lukarhulumente, ukwabelana ngemingeni kunye nokumamela amabali empumelelo oosomashishini kwizithili ezahlukeneyo kwilizwe ngokubanzi ukuze baphucule inkxaso karhulumente kunye nokulungelelanisa ngcono inkxaso yee-SMMEs ngokusebenzisana necandelo labucala kunye namasebe ahlukeneyo kunye nee-arhente.”utshilo uNdabeni-Abraham
I-DSBD izibophelele ekuqhubeni isigunyaziso sayo esingundoqo “ekukukhokela nokulungelelanisa indlela edibeneyo yokukhuthaza nophuhliso loshishino, amaShishini amaNcinci kunye noMasibambisane, nokuqinisekisa ubume bomthetho obuvumelayo nomgaqo-nkqubo. UMphathiswa wezeziMali noPhuhliso loQoqosho uMlungisi Mvoko kulenkqubo kudliwano ndlebe uthi bebekade bengaxolanga ngendlela eziqhuba ngayo ezinkqubo kungoko bathe babhenela kuMphathiswa khonukuze kuvuselelwe amashishini asakhasayo khonukuze kuhlume uqoqosho.