By Asipile Kitchen.
UMphathiswa wamaPolisa, uMnumzana Senzo Mchunu, kwisikhundla sakhe njengelungu leKomiti yesiGqeba yeSizwe yeAfrican National Congress, ebekwiphulo lokukhankasa kule mpelaveki eVryheid, eKZN, phambi konyulo lovalo-zikhewu ngomhla wesithandathu (16) kweyeKhala 2025.
Umphathiswa uSenzo Mchunu ukhuphe ingxelo eziphendulela kwizityholo zikaMkomishinala wePhondo uNhlanhla Mkhwanazi, kule ngxelo umphathiswa uthi ebezibandakanya neqela lamaqela oluntu, kuquka iinduna, imibutho yoluntu namafama arhwebayo, exoxa ngamanyathelo ajongene nolwaphulo-mthetho olugqugqisileyo olubachaphazelayo, kubandakanywa ubusela bemfuyo.
Ngelixa esaxakeke kwezindibano, uMphathiswa uthi uye waziswa ngentlanganiso yoonondaba yayizolo, umhla wesixhenxe (07) kweyeKhala 2025, ebibizwe nguMkomishinala wePhondo laKwaZulu Natal, uLieutenant General Nhlanhla Mkhwanazi, ekhupha izityholo ezininzi kunye namabango kwimiba eyahlukeneyo.
Le ngxelo ithi uMphathiswa wamaPolisa akanakuze avumele ingqibelelo yakhe, leyo yobulungiseleli okanye eyeNkonzo yamaPolisa oMzantsi Afrika ngokubanzi iza kujongelwa phantsi zizibhengezo ezenziwe ngaphandle kobungqina okanye iinkqubo ezifanelekileyo, kuye nabani na, kuquka uLieutenant General Mkhwanazi. Siza kuphonononga iingxelo zoMkomishinala wePhondo kwaye siqwalasele amanyathelo afanelekileyo.
Zonke ezingxelo zenziwe nguMkhwanazi esidlangalaleni zifuna uphando olungxamisekileyo, olucokisiweyo kwaye olusekuhleni kwiqonga elifanelekileyo.
UMphathiswa wamapolisa usazibophelele ekuthobeleni umthetho, ukuqinisekisa uxanduva lokuphendula ezi zityholo kwinqubo yangaphakathi kwiSAPS, kunye nokusebenzela abantu baseMzantsi Afrika ngemfezeko. Kwaye okubalulekileyo, uMphathiswa uthe uzinikele kulo msebenzi kwaye oko kukunciphisa izinga eliphezulu lokubulala, ukufunyanwa kwemipu engekho mthethweni, ukulwa nokuthutyeleziswa kweziyobisi kunye namaqumrhu kunye namatyala okuHlukunyezwa ngokweSini (GBV+F) kwilizwe lonke, kugxilwe ngokukodwa kumaphondo amane anamazinga aphezulu olwaphulo-mthetho, i-KZN, eRhawutni, iMpuma Koloni neNtshona Koloni.