Inkokeli yeDemocratic Alliance (DA) eRhawutini, uSolly Msimanga, uthi ukudodobala kweengxoxo phakathi kombutho wakhe ne-African National Congress (ANC) zokuseka uRhulumente woManyano lwePhondo kuzakuba nefuthe elibi ekuhanjisweni kweenkonzo kweli phondo.
La maqela mabini asaxabene kwaye akakafikeleleki kwisivumelwano malunga nokwakhiwa kwesigqeba solawulo.
I-DA ithi i-ANC ibifuna ukuyinika izihlalo ezithathu zeKhabhinethi kurhulumente waseRhwutini, logama igcine izihlalo ezisixhenxe ezishiyekileyo, eziquka iNkulumbuso.
UMsimanga uvakalise inkxalabo yakhe ngenxa yokulibaziseka kokusekwa korhulumente wephondo.
Uthi, “Kulilishwa oku kuba kubambezela ukuthathwa kwezigqibo nokuqhubeka nenkqubo karhulumente. Kwaye ukuba akukho zinkokeli zezopolitiko ezilawula inkqubo karhulumente oko kuyakuchaphazela amandla karhulumente okuhambisa iinkonzo ebantwini.”