By Asemahle Mbete.
UManelisi Mampane otyholwa ngokubulala umfundi kwiDyunivesithi iWalter Sisulu ufake isicelo sebheyile kwinkundla kamantyi eMthatha ngoLwesibini.
Ujongene nokubulala, ukuzama ukubulala, ukuba nompu ongekho semthethweni ngenjongo yokwenza ulwaphulo-mthetho, ukuba nompu ongenalayisenisi kunye neembumbulu.
Uhlolisiso lomzimba sele lubonise ukuba uSisonke Mbolekwa wabulawa yimbumbulu.
Umtyholwa, uManelisi Mampane, uxelele inkundla ukuba waye wayokuthatha umpu wakhe ngethuba iqela labaqhankqalazi livusa uqhushululu ngaphandle kwendawo ahlala kuyo ngabafundi. Ukwavumile ukuba uwukhuphe lo mpu, esithi iqela labafana belikhaba ucango lwakhe ngokungakhathali.
Kodwa uthe injongo yakhe yayi kukudubula izithonga ezilumkisayo. Nangona kunjalo, uMampane uthi emva koko weva ezinye izithonga zidubula ngaphandle.
Ebonakala ezisola, wacela uxolo kwiintsapho zabafundi ababuleweyo nabonzakeleyo.