By Buhle Nomgasala.
Kule veki, uTrump ubhengeze umrhumo wama-30% kwiimveliso zaseMzantsi Afrika ezithunyelwa eMelika. Eli nyathelo laliyinxalenye yesigqibo esibanzi ngokuchasene nawo onke amahlakani orhwebo ase-US.
UMzantsi Afrika ngoku ujongene nesigqibo esithathwe nguMongameli waseMelika uDonald Trump esinyusa umrhumo wamashumi amathathu eepesenti (30%) kwimveliso zaseMzantsi Afrika ezithunyelwa eMelika.
Eli nyathelo laliyinxalenye yesigqibo esibanzi ngokuchasene nawo onke amahlakani orhwebo ase-Melika.
Amanye amazwe aya kuhlawuliswa i-shumi le pesenti [10% ] yesiseko serhafu ukwenza ishishini ne-Melika, ngelixa amazwe anentsilelo yorhwebo kunye namandla amakhulu aya kuhlawula iirhafu eziphezulu.
“UMzantsi Afrika, amashumi amathandathu epesenti [60%], amashumi amathathu epesenti [30%] esiseko serhafu kwaye banezinto ezimbi ezenzekayo eMzantsi Afrika. Uyazi, sibahlawula iibhiliyoni zeedola, kwaye siyayinciphisa inkxaso-mali kuba zininzi izinto ezimbi ezenzekayo eMzantsi Afrika,” utshilo uTrump ngoLwesithathu.
Nangona imirhumo kaMongameli wase-Melika uDonald Trump ibilindelwe ngokubanzi, ubungakanani bunokuthi bube yinto eyothusayo. Kuyavunywa ukuba, kukho ukukhululwa okudweliswe kuxwebhu olunamaphepha angamashumi amathathu anesixhenxe (37) olupapashwe yi-Melika, imirhumo isamiselwe ukuchaphazela uqoqosho loMzantsi Afrika. UNobhala-Jikelele we-African Continental Free Trade Area, u-Wamkele Mene, uthe izixhobo zomgaqo-nkqubo wezorhwebo kunye nomgaqo-nkqubo wezoqoqosho olukhulu zifuna ukuhlolisiswa.
“Ezi zinto zidityanisiwe kufuneka zinyanzelise ilizwekazi lase-Afrika ukuba libonise nzulu ukukhawulezisa imarike yasekhaya e-Afrika.” Ngelixa uMzantsi Afrika ukhathazeke kakhulu yimpembelelo, amanye amagosa acele impendulo yezozakuzo, ngokungafaniyo nezinye iinkokeli zehlabathi ezithe zabuyela umva ngoluhlu lwazo lwamaxabiso ngokuchasene ne-Melika.