By Esona Magawana.
UMhlalutyi wezoPolitiko, uDale McKinley, uthi uMongameli Cyril Ramaphosa ubonakalise ukungabi namdla malunga nabaphathiswa abatyholwa ngokwenza izinto ezigwenxa. Oku kuza emva kokuba uMkomishinala wamaPolisa KwaZulu-Natal, uNhlanhla Mkhwanazi, ebeke izityholo malunga namaqela olwaphulo-mthetho olucwangcisiweyo angena kwinkqubo yezobulungisa yelizwe kunye nokungenelela kwezopolitiko kuphando lwamapolisa.
Kutshanje umbutho weDemocratic Alliance (DA) uthi makagxothwe uMphathiswa weMfundo ePhakamileyo uNobuhle Nkabane, uMphathiswa wezokuHlaliswa koLuntu, uThembi Simelane noSekela Mphathiswa wezaManzi noGutyulo, uDavid Mahlobo, kuba betyholwa ngobuqhophololo. Okwa ngoku ke, akuka bikho manyathelo athathiweyo ngakubo.
“Uzibonakalisile ukuba akanako ukwenza izinto ngokuchasene nabaphathiswa bakhe abanezityholo ezinzulu ngakubo. Umgaqo weANC wokuchasa ucace gca, othi ukuba kukho izityholo ezinobuzaza, abo bantu mabaphume ecaleni bade bavavanywe kodwa, sinabo abaphathiswa abathathu kwikhabhinethi kwaye sinamanye amagosa aphezulu apho kukho izityholo ezinzulu ezisuka kuthango loMbuso kwaye akukho nto yenziwayo mva nje.
Kusenjalo, uSomlomo weNdlu yoWiso-mthetho yeSizwe uThoko Didiza uyalele iPalamente ukuba ithathele ingqalelo ngokungxamisekileyo izityhilelo malunga nokhuseleko lwelizwe.
Iikomiti ziza kuqwalasela lo mba ngokukhawuleza ngamaPolisa, ubuLungisa, kunye noPhuhliso loMgaqo-siseko, kunye neKomiti eSigxina yezobuNtlola.
UDidiza ufuna ukuba iikomiti zezikhundla, ngokwezigunyaziso zazo, ziqwalasele imicimbi yokhuseleko kwaye zinike ingxelo kwiNdlu yoWiso-mthetho.
Source: SABC News