By Buhle Nomgalasa.
IMelika imise ngokukhawuleza phantse lonke uncedo lophuhliso lwangaphandle kwihlabathi jikelele, kubandakanya neSicwangciso sikaMongameli esiNgxamisekileyo soNcedo lwe-AIDS (PEPFAR) kunye ne-National Institutes of Health (NIH) izibonelelo zophando.
Umlo we-HIV waseMzantsi Afrika useMngciphekweni Phakathi kokuNcitshiswa koNcedo lwase-US ngesiquphe.
IMpendulo yeSifo sikaGawulayo (HIV) owaziwayo kwihlabathi loMzantsi Afrika ijongene nokuwa kwentlekele emva kokurhoxiswa ngokukhawuleza koncedo lwase-Melika, ngakumbi kwi-President’s Emergency Plan for AIDS Relief (PEPFAR) kunye nezibonelelo zophando ze-NIH.
Umphumo waba kukuba iikliniki zivalwe ngobusuku, iinkonzo ezibalulekileyo zayekwa, yaye amawakawaka abasebenzi bezempilo adendwa nto leyo eyaphelisa amashumi eminyaka enkqubela yokuthintela nakunyango lwesifo sika Gawulayo (HIV).
Owayesakuba yiModeli yeHlabathi yokhathalelo lwe-sifo sika Gawulayo (HIV), uMzantsi Afrika ngoku umi kumphezulu.
Inani losulelo olutsha lwesifo sikaGawulayo (HIV) kulindeleke ukuba linyuke, kwaye usulelo olusuka kumama lusiya emntwaneni lusongela ukuba luyinto eqhelekileyo kwakhona. Ngokophononongo olugunyaziswe liSebe lezeMpilo, ukucuthwa kwenkxaso-mali kunokukhokelela ekuswelekeni okungaphezulu kwamawaka amathandathu anesihlanu (65,000) kunye namawaka ekhulu elinamanci amahlanu (150,000) yosulelo olutsha kwiminyaka emithathu. Ii-NGO eziphambili ebezixhasa isebe lezempilo ziye zawa.
Amachiza asebenza ixesha elide othintelo lwe-HIV ahlala etshixiwe kwindawo yokugcina ngenxa yokunqunyanyiswa kokuhanjiswa.
Ngaphandle kwale ngxaki izayo, abagxeki bathi urhulumente akabonakalisi kungxamiseka. Umphathiswa wezempilo uGqirha Aaron Motsoaledi uthe cwaka ngezicwangciso zokuphunyezwa kwayo, kwaye imibutho yoluntu ibika ukuba umongameli uCyril Ramaphosa akakhange asabele kwizicelo ezininzi zokuba kuthathwe amanyathelo. Kwanesithembiso sokuzisa abantu abangaphezulu kwesigidi esingu 1.1 kunyango kulo nyaka senziwa ngaphandle kwesicwangciso esibambekayo okanye uhlahlo lwabiwo-mali.
Umqolo wenkqubo ye-HIV-iikliniki zokunakekelwa, iintambo zokubonelela, ukufikelela kuluntu, kunye neziseko zedatha-iyahlakazeka. Iinkqubo zokugada ziye zamnyama. Uvavanyo lwehlile. Ufikelelo lwesifo sikagawulayo-(HIV) PrEP luyancipha. Kwaye iinzame zokulawula isifo sephepha (TB), ezihlala zihamba kunye nonyango lwe-sifo sikagawulayo (HIV) zikwasemngciphekweni.
UMzantsi Afrika ugcina ubuchwephesha obomeleleyo bezonyango, abasebenzi bezempilo abomelelayo, kunye nelifa lobunkokheli obunentsebenziswano kwi sifo sikaGawulayo-(HIV).
Ukuba urhulumente uthatha amanyathelo angxamisekileyo ukwakha kwakhona intsebenziswano, ukuvula inkxaso-mali yasekhaya, kunye nokuxhasa inkxaso yabucala neyezemfundo, isizwe sinokuziphepha ezona ziphumo zimbi.
UNjingalwazi uFrancois Venter weDyunivesithi i-Wits uthi “Into engekhoyo asikokukwazi ukwenza umsebenzi, bubunkokeli nokungxamiseka.”
Ixesha lokukhanyela, ukulibaziseka, kunye nokuthula liphelile. Iindleko zokungasebenzi ziya kulinganiswa kubomi obulahlekileyo kunye nelifa elichithiweyo loloyiso olukhulu lwezempilo eMzantsi Afrika.