By Asemahle Mbete.
UMphathiswa woPhuhliso loLuntu, uSisisi Tolashe, uthi urhulumente uqhubela phambili ekudaleni iSibonelelo seNgeniso esiSiseko. Ebesenza iVoti yoHlahlo-lwabiwo-mali yesebe lakhe kwiNdlu yoWiso-mthetho yeSizwe.
Kunyaka-mali ka-2025/26, isebe liza kuba namakhulu amathathu eebhiliyoni zokuqinisekisa ukuba abona bantu basemngciphekweni bayakhathalelwa.
Kule mali, iibhiliyoni ezingama-24,7 zeerandi zabelwe iArhente yoKhuseleko lwezeNtlalo yaseMzantsi Afrika ukuze ilawule izibonelelo kwixesha elilinganiselweyo.
UTolashe uthi ziyaqhubeka iinzame zokudala iSibonelelo seNgeniso esiSiseko.
“Siqhubela phambili neenkqubo zokutshintsha isibonelelo se-COVID-19 soNcedo lweNtlalo kwiNtlekele kunye nomlinganiselo osisigxina wenkxaso yomvuzo osi siseko. Ngokunjalo, sijonge ukuphinda sandlale kwiKhabhinethi isindululo somgaqo-nkqubo.
“Into eyongezelelweyo kwesi sindululo somgaqo-nkqubo kukudibanisa abaxhamli kwingqesho kunye namathuba okuphila azinzileyo. Siza kutsalela kwimpumelelo yeprojekthi yokulinga eqhubayo ngentsebenziswano neFinmark Trust,” utshilo uTolashe