By Asemahle Mbete.
USekela Mphathiswa weMfundo ePhakamileyo noQeqesho, uGqirha Mimmy Gondwe, ukhokela igqiza labathunywa beCandelo lezeMfundo noQeqesho leMfundo yasemva kwesikolo (i-PSET) kwiQonga lezeMfundo leHlabathi (i-EWF) lo nyaka ka-2025, eliqhubeka eLondon, e-UK, ukusuka ngomhla we-18ukuya kowama-21 kuCanzibe ngowama-2025.
USekela Mphathiswa uza kulwela ukuzibophelela koMzantsi Afrika ekufikeleleni ngokulinganayo kunye nemfundo esemgangathweni kumntu wonke ngokuthatha inxaxheba kwiingxoxo ezingundoqo kunye neendibano, kwi-Education World Forum (WEF), ezinxulumene nemixholo efana nemfundo yamantombazana, ukuthintela ubundlobongela obusekelwe kwisini, ukukhuthaza intsebenziswano phakathi kukarhulumente nemibutho yabucala ukuqhubela phambili ukuveliswa kwezinto ezintsha kwezemfundo, kunye nokukhuthaza imfundo yomsebenzi wobugcisa kunye nophuhliso lwezakhono njengeendlela zokuqeshwa kolutsha kunye nohlumo loqoqosho.
“IForam yeHlabathi yezeMfundo ibonelela ngeqonga elibalulekileyo lentsebenziswano phakathi kweenkokeli zemfundo yehlabathi. Ngokwabelana ngeendlela ezintsha kunye nokuqonda, singakwazi ukomeleza inkqubo yethu yeMfundo ePhakamileyo, sixhobise ulutsha ngezakhono ezibalulekileyo zokuqhuba ukukhula koqoqosho nokunciphisa intswela-ngqesho,” utshilo uSekela Mphathiswa uGondwe.
I-EWF 2025 yeyona ndibano yaminyaka yehlabathi yeenkokeli nabaphathiswa bezemfundo. USekela Mphathiswa uGondwe uvakalise ithemba nochulumanco lokuba ulwazi olufunyenwe kwi-EWF 2025 luya kunceda ukunika izisombululo nezikhokelo kwimingeni ethile ejongene necandelo lemfundo ephakamileyo lengingqi.