USodolophu woMasipala wasekuHlaleni eMatatiele ubanjiwe emva kwemini izolo umhla wethoba (09) kweyeNkwindla 2025 ngezityholo zobuqhophololo.
Kwiveki ephelileyo, kumakhasi onxibilelewano kujikeleze amarhe okuba lo sodolophu ukhangelwa ngamapolisa eMatatiele.
Ngokwengxelo zomthombo esiwufumeneyo, lo khansila uzinikezele emapoliseni ngenjikalanga yayizolo.
Zathathwa iinkcukhaca zakhe wakhululwa ngesilumkiso nosuku lokuvela enkundleni ngomso, umhla weshumi elinesibini (12) kweyeNkwindla 2025.
Nangona iinkcukhaca zezizityholo singenazo ncam, kodwa siyaqinisekisa ukuba ngonyaka ka-2023 ukhansila we-DA uWonga Poteana nelungu lepalamente uBaxolele Nodada bavule ityala lobuqhophololo ngakukhansila ongusodolphu waseMatiele.
UPotwana noNodada babanga ngelithi uMngenela wasebenzisa imali yoluntu elingana namawaka alishumi elinesithathu (R13 000.00) eerandi ukubhatalela ukuya kwinkomfa ye-ANC.
Igama lakhe losodolophu ligciniwe de kube kanti uvela enkundleni ngomso.