By Siphiwo Boqwana.
Bekudlalwa imidlalo yebhola ekhatywayo kulempelaveki siphuma kuyo phantsi kombutho webhola ekhatywayo iPE East Football Association kumabala ase-Veeplaas ngoMgqibelo umhla wesibhozo (08) kule yeKwindla inyanga kubafana abangahlawulwayo
IMighty Heroes ibhaxabule iHillside yayinqunqela egoqweni iyingcwaba ngamanqaku alishumi kwiqanda (10-0) kanti yona i-Real Lions idlale ngokulingana ngamanqaku amabini macala (2-2) ne-Foresters.
ITeenagers ithwaxe kanobom ngesikoro somdlalo wombhoxo ngethuba ibetha i-Bayland ngamanqaku alishumi elinesithandathu kwiqanda qoks imbande yesikhova (16-0) kwelinye icala iGolden Stars itywatyushe iPower Stars ngamanqaku amabini kwiqanda (2-0).
I-Real Aces ibambene ngenqaku macala (1-1) ne-Peace Lovers, yona United Brothers idlale ntanganye ne-Mighty Birds ngenqaku macala (1-1).