UMongameli wombutho webhola ekhatywayo kwihlabathi uthe ndlelantle kwinkokheli yebhola yelizwekazi iAfrika.
Owayesakuba nguMongameli weCAF nobengoyena utsale kakhulu imikhala kulombutho webhola ekhatywayo kwilizwekazi laseAfrika ulishiyile elimagada ahlabayo.
UIssa Hayatou uyibeke inqawa eneminyaka engamashumi asixhenxe anesixhenxe (77) ubudala.
UHayatou uchithe iminyaka engamashumi amabini enethoba (29) engumongameli wombutho webhola ekhatywayo eAfrika. UIssa uqale ukukhokhela ibhola yelizwekazi laseAfrika ngonyaka ka1988 wayokuyeka esisikhundla ngonyaka ka2017.
UHayatou ebenesikhundla njengomnye wabalawuli kwikomkhulu eSwitzerland kumbutho webhola ekhatywayo yehlabathi iFIFA ukususela ngonyaka ka1990 ukuya ku2017. UIssa ukhe wabambela njengomongameli weFFA ukusuka kunyaka ka2015 no2016 emva kokunqunyanyiswa kowayesakuba ngumongameli weFIFA ngeloxesha, uSepp Blatter.
UGianni Infatino ongumongameli weFIFA uthe ndlelantle kuIssa Hayatou kwikhasi lonxibelelwano u-Instagram.
Ngexesha lakhe lobutsha uIssa Hayatou ube ngumdlali weBasketball ekwayiyo nembaleki.
Ngonyaka ka2021 ngenyanga yeThupha uHayatou uye wanqunyanyiswa ngumbutho wehlabathi webhola ekhatywayo emva kokutyikitya isivumelwano nenkampani yokusasaza yaseFrance etyholwa ngokophula umthetho webhola kwihlabathi nto leyo wayenza ngonyaka ka2015.
Kunyaka olandelayo emva kokugwetywa yiFIFA inkundla yakukhaba ukugwetywa kwakhe wabuyela. Lo mongameli wexesha elide ulichithele ebholeni ixesha lakhe elininzi, kunjalo nje ulishiya ihlabathi ngosuku olandulela ukugqiba iminyaka engamashumi asixhenxe anesibhozo (78) ubudala.
UIssa ubambe izikhundla eziliqela neziphezulu kwibhola ekhatywayo, ube ngumongameli welizwekazi laseAfrika kwibhola ekhatywayo, ube ngusekela monganeli weFIFA, wabangumongameli obambeleyo weFIFA, wakwisigqeba sombutho weFIFA.
By Siphiwo Boqwana