By Siphiwo Boqwana
Amagqiyazana eMamelodi Sundowns yaseMzantsi awakwazanga ukukhusela iNdebe yawo yeCAF Women’s Champions League emva kokubethwa bekhutshelwa ngaphandle kulendebe liqela lamanina ebhola ekhatywayo aseNigeria iEdo Queens nalapho ibethwe ngamanqaku amabini kwiqanda (2-0).
Kwelinye icala iFC Masar yenze imbali ngethuba iphumelala umdlalo wayo wesibini kuletumente ibetha iCentral Bank yaseEthopia emva kokuba ibizibethele abakhuselayo kulendebe iSundowns ladies.
IFC Masar ngeyaseEgypt kunjalo nje bayaqala ukuthabatha inxaxheba kuletumente okokuqala kulonyaka. IMasar ngoku izibekele indawo kumandulela kamagqibela kankqoyi.
Amaqela aya kumandulela kamagqibela kankqoyi amane ibe yiFC Masar yaseYiphutha, iEdo Queens yaseNigeria, ibe yiAS FAR yaseMorocco abangabahlinzeki baletumente neTP Mazembe yaseDRC.
Kumandulela kamagqibela kankqoyi umdlalo wokuqala kudlala iEdo Queens yaseNigeria neTP Mazembe yaseDemocratic Republic of Congo ngentsimbi yesine (16h00) emva kwemini, ize eyesibini kuqubisane iAS FAR yaseMorocco neFC Masar yamajephethe ngentsimbi yesixhenxe (19h00) ebusuku, le midlalo idlalwa ngomso umhla weshumi elinethob kule yeNkanga inyanga eMorocco.