UMphathiswa weSebe lezothutho kwiphondo leMpuma Koloni, kunye neSebe lakhe ngokubanzi bavakalise udano nokuqaphela ngeliso elibukhali iziganeko zokuhlaselwa kubulawe abaqhubu bezithuthi zebhasi ezihamba umgama omde.
Oku kusemva kokuba kuthe kwakho, kwahlaselwa isithuthi sohlobo lwebhasi kuhola wendlela uR61 kude kufuphi naseKaladokhwe, ebinabakhweli ebavela eKapa besingise eMpuma Koloni, ngethuba isithuthi sabo sihlaselwa ngokuxulutywa ngamatye ngabantu abangaziwayo. UMphathiswa wezoThutho uWeziwe-Tikana Gcothiwe umemelele abezomthetho ukuba bathathe amanyathelo ngokuchasene noluhlaselo olubonakala luyingozi eluntwini ingakumbi abakhweli abahamba umgama omde.
Kuvakala ukuba oluhlaselo alunamkhethe kwibhasi kwaye lamatye axulutywa kwifestile zebhasi ntoleyo eyenza kubenzima ukuba umqhubi aqhubekeke ukuqhuba isithuthi sakhe kwaye ikwafaka nobomi babakhweli abangenatyala esichengeni. Ukwathe umthetho mawuthathe amanyathelo ukukhuselwa kwamashishini asebenza kwezothutho kweliphondo kwaye abo baphembelela lemikhuba mababanjwe.
Isebe likwanqwenelela ukudlulisa amazwi ombulelo kubakhweli abathe gqolo ukubhentsisa ezi zenzo kwabasemagunyeni kwakunye namaziko eendaba ohlukeneyo.