IKHUTSHIWE IKAIZER CHIEFS KWIWAFA WAFA IMTN8 NGOMGQIBELO
Amakhosi akhe phantsi isitya sizele batsho phantsi kwamdaka iisali ngethuba bebethwa kabuhlungu liqela iMamelodi Sundowns ngamanqaku amabini kwelinye kumlenze wesibini emva kokuba badlala ngokulingana kumlenze wokuqala ngenqaku macala nalapho iSumdowns yaye yasinda ngokulambisa ngethuba bekhokelwe ngenqaku yiChiefs ixesha elide bafumana inqaku kumzuzu wokugqibela abafana bastyile.
Lonto ithetha ukuba iSundowns iphumelele ngamanqaku amathathu kwamabini. ISundowns izibekele indawo kumagqibela kankqoyi wendebe yeMTN8 ngomhla wesixhenxe kweyeDwarha kwinyanga ezayo nalapho izakube iqubisene nezakuthi iphumelele phakathi kwabakhuseli bale ndebe iOrlando Pitates neStellenbosch kumdlalo odlalelwa kumabala iOrlando ngentsimbi yesithathu emva kwemini ngecawa ezintsukwini ukutsho oko namhlanje umhla wamashumi amabini anesine kweyoMsintsi.