IZIPHUMO ZEMIDLALO YENDEBE YEHLABTHI YOMBHOXO UKUSUKA PHAKATHI EVEKINI KUDE KUBE ZEZEMPELAVEKI
Ngolwesine umhla wamashumi amabini ananye bekuqubisene abahlinzeki iFrance idlala neqela leNamibia, iFrance inqunqele egoqweni ingcwaba ikwabhaxabula iNamibia ethande ukuba yingqongqo kulemidlalo yendebe yehlabathi yombhoxo ngethuba bebethwa ngamanqaku angamashumi alithoba anesithandathu eqandeni.
Ngolwesihlanu umhla wamashumi amabini anesibini kweyoMsintsi bekudlala iqela laseArgentina iiPumas lidlala neqela iSamoa nalapho iiPumas zikwazile ukuphumelela ngamanqaku alishumi elinethoba kwishumi emba kokuba babethwa kumdlalo wokuvula bebethwa yiNgilane ngoku umdlalo wabo olandelayo ungomgqibelo kwimpelaveki ezayo umhla wamashumi amathathu kweyoMsintsi.
Ukanti imidlalo yangomgqibelo sibone umdlalo obutaka iintlantsi ngethuba iPortugal iphuncukana nethuba lokuphumelela umdlalo okokuqala ezimbalini zendebe yehlabathi yombhoxo nalapho bephose ipelalti kumzuzu wokugqibela nto leyo ekhokelele ekubeni idlale ngokulingana neGeorgia ngeshumi elinesibhozo macala kumdlalo obudlalwa ngomgqibelo umhla wamashumi amabini anesithathi kweyoMsintsi.
Saphinda sabona iNgilane ibhaxabula ikwangcwaba inqunqela egoqweni iqela laseChile ngamanqaku angamashumi asixhenxe ananye kwiqanda.
Kwangomgqibelo njalo ebusuku kwahlangana izinto ekukudala zizondana yangathi kudibana ingwe nengonyama ooxholovane oompondo zihlanjiwe oomakhwekhwetha bombhoxo ababekwa kwindawo yokuqala kumanqwanqwa ehlabathi iIreland nethande ukuba kumgangatho ophezulu ngoku embhoxweni ehlabathini nabo babekwa kwindawo yesibini kumanqwanqwa ehlabathi kumbhoxo nabangabakhuseli bendebe yehlabathi Amabhokobhoko.
Abethiwe ke Amabokobhoko liqela iIreland ngamanqaku alishumi elinesithathau kwisibhozo kwibala laseFramce ebelizele limi ngeembambho nalapho amatikiti ebethemgwe aphela angamashumi asibhozo amawaka.
Ngoku silinde ukubona umdlalo omkhulu ojongwe ngamehlo abomvu apho iWales ithathana neAustralia ngentsimbi yethoba ebusuku namhlanje icawa umhla wamashumi amabini anesine kweyoMsintsi.