By Buhle Nomgalasa.
UMzantsi Afrika uzilile emva kokusweleka kobesakuba nguSekela Mongameli uDavid Dabede Mabuza, osweleke izolo, ngoLwesine, umhla wesithathu (03) kweyeKhala 2025, eneminyaka engamashumi amathandathu anesine (64) kwiSibhedlele saseSandton emva kokugula ithutyana.
UMongameli uCyril Ramaphosa kunye noNobhala Jikelele weANC uFikile Mbalula baziqinisekisile ezi ndaba, benika imbeko kumntu ophambili kwezopolitiko. UMabuza wazalwa eMpumalanga ngo-1960, uMabuza, owayebizwa ngegama elithi “The Cat” ngenxa yobuqhophololo bakhe kwezopolitiko, wayeligqala lomzabalazo wenkululeko ekwanguye nenkokheli ephezulu kwiANC.
UMabuza usebenze njengoSekela Mongameli ukusuka ngo-2018 ukuya ku-2023 nanjengeNkulumbuso yaseMpumalanga ukusuka ngo2009 ukuya ku2018, apho ebelwela iziseko zophuhliso nemfundo kodwa ejongene nezityholo zobuqhophololo nobundlobongela bezopolitiko, nto leyo ayikhanyelayo.
Impembelelo yakhe yamaqhinga yayibalulekile ekuqinisekiseni ukuba umongameli we-ANC kaRamaphosa uyaphumelela ngo-2017. URamaphosa uncome uMabuza “njengesicaka esizinikeleyo,” ngelixa uMbalula encoma ukuthembeka kwakhe kwiANC.
Amaqela aphikisayo, aquka iDA kunye ne-EFF, ayamkele indima yakhe kuhambo lwedemokhrasi yoMzantsi Afrika. Iinkcukacha ngesikhumbuzo nomngcwabo wakhe ziza kubhengezwa kungekudala. Ushiye emhlabeni inkosikazi yakhe uNonhlanhla Patience Mnisi nabantwana babo.