Umdlali weqela leqakamba lamagqiyazana eProteas uNonkuleko Mlaba uthe wagqama kakhulu ngethuba lokuwongwa kwabadlali bezemidlalo kwiphondo laKwaZulu Natala, omnye umdlali yena ongumfana ozibonakalisileyo ibe nguHamish Lovemore nodlala intenetya.
UMlaba uneminyaka nje engamashumi amabini anesine(24) ubudala ungowaseNtuzuma kwiphondo laKwaZulu Natal, elinina lizibalule kwiqakamba yamanina njengeleft arm spinner. UNonkululeko ukwazibalule nangendlela yokuziphatha ebaleni nangaphandle.
UNonkululeko Mlaba umke neyona ndondo iphezulu ngethuba ewomgwa njengoyena mdlali ubalaseleyo kumanina emidlalweni jikekele.
UMlaba ube siSportswomen of the year Efumana nenqwelo mafutha kanokutsho entsha raca. Lomdlali uphumelela okwesithathu(3) ngokulandelelanayo kwiKwaZulu Natal Sports awards. Lomdlali wamanina eqakamba eMzantsi wenze kakuhle kakhulu ngethuba bedlala kwindebe yehlabathi de bangena kumagqibela kaNkqoyi.
Nangona bengakwazanga ukuyithatha indebe yehlabathi yeT20I kwiqakamba lamagqiyazana kodwa udlale kakuhle ethatha oothinti abalishumi elinesibini(12) uMlaba.
Kwicala labafana uLovemore umke nelona bhaso liphezulu ngethuba ewongwa njengoyena ebegqamile efumana imoto kanokutsho entsha tsha. Lomfana ngowaseMdlothi kumntla waseMdubane KwaZulu Natal, uneminyaka nje engamashumi amabini anesihlanu(25) ubudala, umdlalo wakhe yiCanon, ebephune kwindawo yethoba(9) kwi-olimpiki.
USthabile Mnyandu ongumdlali wentenetya yena ubethe ebekhuphisana nabo nabaziwayo umdlali wombhoxo odumileyo kwizitsibabhokhwe uEben Etzebeth, imbethi manqindi uNkosindiphile Sibisi, uKheshav Maharaj weProteas kwiqakamba noJanet Mbele oyimbaleki njengeSports personality sonyaka.
UThathe Msimango ube yintatheli yonyaka, uTom Truter wayiJunior sportsman waze uKhwezi Khoza wasisportswomen sonyaka. Umqeqeshi wonyaka ibe nguPrecious Mthembu, uGraham Daniel uye wangumthwebuli ophumizandla.
UMhlengi Gwala ube ngeyona ubalaseleyo kwabaphila ngenkubazeko emidlalweni.
Isikolo samabanga aphakamileyo esiphumeleleyo emidlalweni ibe yiKhombindlela, yaze iDolphins ladies yathatha isitsaba sokuba liqela lezemidlalo lonyaka.
By Siphiwo Boqwana