By Siphiwo Boqwana
NgeCawa ukutsho oko izolo umhla wamashumi amabini anesixhenxe(27) iqela lebhola ekhatywayo iMamelodi Sundowns ibethwe okokuqala(1) kwiBetway Premier ligi ngethuba ibethwa ekuhambeni liqela iPolokwana City eLimpopo nalapho ibethwe ngenqaku elinye eqandeni(1-0).
Lomdlalo ubudlalelwa kumabala iOld Peter Mokaba kwiphondo laseLimpopo. Inqaku ekukuphela kwalo lomdlalo lifakwe sele kushiyeke imizuzu esibhozo(8) kuphela kuphele umdlalo lifakwa nguNikani.
Akaxolanga kwaphela umqeqeshi weminwana phezulu ngulomdlalo ekubeni ebengaxolanga nangumdlalo obuphambi kwalona nobungoweligi nawo ngethuba babebetha iRoyal AM ngamanqaku amabini kwelinye(2-1).
IRise and Shine ibumisile ubunganga bokungabethwa kweKabu Yellow izolo. Ibimibini(2) imidlalo ebidlalwa izolo kwiBetway Premier ligi omnye ubuseKapa nalapho iye yabanjwa ngobhongwana iCape Town City kowayo ngethuba ibambana ngeqanda macala(0-0) neMagesi.