Icandelo labucala nelisabela kumaphulo ezoshishino iStartup Grind,Cortexhub isebenzisana neArhente kaECDC bebebambe umsitho wokufundisa nokuxhobisa osomashishini baseMpuma Koloni eMonti kwiintsuku ezimbalwa ezidlulileyo.
Eliphulo nebelijolise intsingiselo yalo ekuxhobiseni osomashishini ngobuxhaka-xhaka balemihla(technology) kwanokutshintsha kwendlela zokusebenza ngenxa yamaxesha angasafaniyo nakudala.
Kwizithethi ebezikhona, uMnu Vuyani Jarana nongusihlalo webhodi eECDC uthi amashishini amancinci anamathuba amaninzi okuba makhulu kwaye aphuhlise ilizwe lethu.
“Sijongene notshintsho olukhulu kwaye luyenzeka sithanda singathandi, umbuzo kukuba kuzakwenzeka ntoni ngomso okanye sikulungele oko kusini nha” utshilo
Ukwathe osomashishini ingase bangawaphosi amathuba akhoyo koko umtu ajonge phambi kwakhe ukuba yinto angayenza ukukhawulelana nobuxhaka-xhaka noshishino belixesha ukuze angaphoswa ngamathuba kwaye aphihlise nesakhono sakhe.
”Uninzi lukhetha ukulala okanye luyeke izinto zizenzekele kuba bengafuni ukuzibandakanya kolutshintsho lukhoyo” utshilo uVuyani. Ukanti lomsitho ubuzonyaswe luninzi losomashishini abasakhulayo kunye nentloko yeBorder Kei Chamber.
