Abaxolanga kwaphela abazali, ziziphumo zonobangela wokubhubha kwabantwana babo kwindawo yentselo yaseNyobeni eMonti kwiinyanga ezimbalwa ezadlulayo.
Kuvavanyo lokuqala kwavela ukuba kukho ichiza le(Methenol) kwimizimba yabantwana nagona ingesiso isizathu sokubhubha kwabo. Iziphumo ezivele izolo zithi babhubha ngenxa yofuthamiseleko ntoleyo engawuqinisiyo kwaphela umnqwazi wabazali berhanela uRhulumente ngokubabetha ngoyaba.
Ababazali bathi usuku lwayizolo ibilithemba lokuvala izikhewu ezingaphakathi kwanokubanika uxolo kwimibuzo ebingaphenduleki ngenxa yesisiganeko. Kunjalo nje bathi abaxolanga kwaye namanxeba awade aphole xa kunje.
Umnikazi wendawo yentselo yaseNyobeni notyholwa ngokungabonakalisi kuzisola ngokwenzekayo endaweni yakhe, kulundeleke ukuba avele enkundleni yamatyala namhlanje.