By Siphiwo Boqwana.
UMdlali oligqala leMamelodi Sundowns uThemba Zwane oneminyaka engamashumi amathathu anesihlanu (35) ubudala ufakiwe kwiqela elizakudlala kwiNdebe yeHlabathi yamaqela ebhola ekhatywayo naquka iMamelodi Sundowns, itumente ekulindeleke ukuba idlalelwe eMelika ekupheleni kwalenyanga imiyo yeSilimela 2025.
UThemba Zwane khange atyunjwe kubadlali bokuqala abalishumi elinanye (11) kuyo yomibini (2) imidlalo yemilenze kumagqibela kankqoyi wendebe yelizwekazi lase-Afrika iCAF Champions League. Umlenze wokuqala wawubanjelwe apha eMzantsi, ePitoli kwibala iLoftus kwikhaya leeBrazilians kulapho lamaqela adlala ntanganye ngenqaku elinye macala (1-1). Yaze iPyramids yaseJiphethe yawuphumelela umlenze wesibini eCairo ngamanqaku amabini kwelinye (2-1).
UZwane zange angene nanjenge lalela kuyo yomibini le midlalo. Kungoku nje uThemba unikwe ithuba lokuzibonakalisa ngokwamava nesakhono.
Kwelinye icala iPremier Soccer League ibibhengezile ukuba iSundowns izakuntingela emajukwijukwini isiya eFlorida kwelaseMelika ngeCawa umhla wesixhenxe (07) kule imiyo inyanga yeSilimela.
Umqeqeshi weSundowns unike abadlali bakhe inkululeko yokudlala umdlalo wabo bangabi phantsi koxinizelelo. Abaninzi bamgxekile uMiguel Cardoso ngoku ngamdlalisi uThemba Zwane kwiCAF Champions League, ingakumbi kumagqibela kankqoyi kwimilenze yomibini.
By Siphiwo Boqwana